即係咁，大廚我平時煮完飯係唔洗碗既，因為呢個係老公既工作，我一般唔會搶佢飯碗，但佢前排投訴用緊個隻洗潔精洗到佢對手甩皮（其實係佢自己唔肯戴手套洗碗🤣），正在苦惱買邊隻洗潔精唔傷手既時候，就收到好出名既澳洲天然品牌Bondi Wash既家居清潔套裝，開心到我立即要開來自用😆
今次我試用既係Dish Wash洗潔精、Bench Spray全能抗菌清潔劑，同埋Floor Wash多功能清潔液。個Dish Wash擠少少已經可以洗到碗碟好乾淨，而且洗完對手都仲好柔滑☺️
Bench Spray就可以清潔任何屋企既表面，例如鏡、檯凳、櫃、玩具箱之類，一噴一抹就可殺滅99.99%細菌，真係農曆新年大掃除必備囉唔該！至於個Floor Wash就未用，因為拖地真係唔係我跟開，不過開蓋聞落陣味都幾清新舒服😆
講多少少資料，Bondi Wash既產品係100%澳洲製造，成分全天然，採用優質既植物天然成份、可以生物分解，唔會對地球造成負擔，最重要係唔會釋出化學氣味，不含可致敏防腐劑或香料等，真正地對皮膚、身體無害，用得放心😌
.
.
#bondiwashhk #澳洲精油天然抗菌 #皇牌居家清潔 #皮膚零傷害
@ Hong Kong
Search